Oljas Bektenov O‘zbekistonga keladi

Qozog‘iston bosh vaziri Oljas Bektenov Rossiya va O‘zbekistonga tashrif buyuradi. Bu haqda hukumat matbuot xizmati xabar berdi.

Oljas Bektenov mart oyida ikki davlat hukumat rahbarlari bilan uchrashadi, tashrifning aniq sanasi ma’lum qilinmagan.

U rossiyalik hamkasbi bilan savdo-iqtisodiy va gumanitar hamkorlikni rivojlantirish, Qozog‘iston va Rossiya prezidentlari erishgan kelishuvlarni amalga oshirish masalalarini muhokama qiladi.

O‘zbekiston bosh vaziri bilan esa savdo va sarmoyaviy hamkorlikni, jumladan, sanoat, energetika, qishloq xo‘jaligi va transport-logistika sohalarida hamkorlikni rivojlantirishni muhokama qilish rejalashtirilgan. Bu Bektenovning Qozog‘iston bosh vaziri lavozimidagi xorijga ilk ish safarlari bo‘ladi.




Manba: www.aniq.uz