Aksariyat amerikaliklar Kongress va Bayden ma’muriyatidan norozi

Amerikaliklarning 40 foizdan ortig‘i AQShning janubiy chegarasidagi vaziyatni noqonuniy muhojirlar oqimi tufayli favqulodda holat deb hisoblaydi.

Bu haqda Fox News telekanali tomonidan o‘tkazilgan sosiologik so‘rov ko‘rsatdi, deb yozadi «Report».

Tadqiqot natijalariga ko‘ra, respondentlarning 41 foizi noqonuniy muhojirlar tufayli chegaradagi vaziyat favqulodda ekanligini, 37 foizi esa jiddiy muammo ekanini aytgan.

So‘rovda qatnashganlarning ayrimlari AQSh Kongressining harakatsizligi aynan shu holatga sabab, deb hisoblasa, ayrimlari chegara xavfsizligini himoya qilish choralari ko‘rilmagani uchun AQSh prezidenti Jozef Bayden ma’muriyatini ayblamoqda.

So‘rov 2024 yil 25-28 fevral kunlari 1200 dan ortiq amerikaliklar o‘rtasida o‘tkazildi.


Manba: www.aniq.uz