Zelenskiy hech qachon Ukrainaga xorijiy qo‘shinlarni yuborishni so‘ramagan

AQSh Milliy xavfsizlik kengashining strategik aloqalar bo‘yicha koordinatorining aytishicha, Volodimir Zelenskiy hech qachon Ukrainaga xorijiy qo‘shinlarni yuborishni so‘ramagan.

Jon Kirbining so‘zlariga ko‘ra, Ukraina rahbari Ukraina Qurolli kuchlariga Rossiya agressiyasiga qarshi turish uchun vosita va imkoniyatlar berishni so‘ramoqda. Qo‘shma Shtatlar Ukrainaga shu bilan yordam berishi kerak.

"Men Prezident Bayden, bizning bosh qo‘mondonimiz, nomidan gapira olaman. Prezident shuni aniq ta’kidladiki, biz o‘ta kuchli yetakchilikni namoyon qildik, so‘nggi bir necha yil ichida Ukrainani qo‘llab-quvvatlash bo‘yicha xalqaro sa’y-harakatlarga rahbarlik qildik. Biz hozirda Kongressdan yordamga muhtojmiz, ular qo‘shimcha mablag‘ ajratishni ma’qullasa, ushbu kuchli yetakchilikni davom ettirishimiz va ko‘proq yordam ko‘rsatishimiz mumkin bo‘ladi", — deya qo‘shimcha qildi Kirbi.






Manba: www.aniq.uz