O‘zbekistonning Singapur va Avstraliyadagi elchisi o‘z missiyasini yakunladi

O‘zbekistonning Favqulodda va Muxtor elchisi Qahramon Shokirov Singapur va Avstraliyadagi diplomatik missiyasini yakunladi, deb xabar bermoqda "Dunyo" AA.

Elchi Toshkentga qaytishdan avval Singapur vazirlik va idoralarida qator uchrashuvlar o‘tkazdi.



Muloqotlar chog‘ida O‘zbekiston-Singapur munosabatlarining bugungi holati va istiqbollari muhokama qilindi.



Tomonlar 2023 yilning yanvar va may oylarida amalga oshirilgan oliy darajadagi tashriflarning samarali natijalari sheriklikning deyarli barcha yo‘nalishlari bo‘yicha ikki tomonlama hamkorlikni yangi bosqichga olib chiqish imkonini bergani alohida ta’kidladilar.
Manba: www.aniq.uz