BAA va Syerra-Leone Prezidentlari o‘zaro munosabatni muhokama qildi

Tomonlar o‘zaro munosabatni yanada mustahkamlash, ayniqsa iqtisodiy, savdo va sarmoyaviy sohalardagi aloqalarni chuqurlashtirish masalasini muhokama qilgan. Qator mintaqaviy va xalqaro muammolar yuzasidan fikr almashilgan.

Abu-Dabidagi “Qasr al-Bahr”da bo‘lib o‘tgan uchrashuvda ikki mamlakat taraqqiyoti maqsadlariga erishish yo‘lidagi sheriklikni kengaytirish yo‘llari ham ko‘rib chiqilgan.

Amirliklar yetakchisi BAAning Afrika davlatlari bilan munosabatni mustahkamlash, barqaror o‘sish va farovonlikka hissa qo‘shadigan bor imkoniyatlardan foydalanishga qaratilgan strategik yo‘nalishini qayd etdi.

Syerra-Leone rahbari BAA mamlakatini qo‘llab-quvvatlayotganini yuqori baholadi. U turli sohalardagi o‘zaro munosabatni yanada rivojlantirish maqsadiga sodiqligini ta’kidladi.




Manba: www.aniq.uz