Siyosiy yangiliklar, Сиёсий янгиликлар, Политические новости, Political news
AQShning Nyu-York shahrida BMT Ayollar holati bo‘yicha komissiyasining 68-sessiyasi bo‘lib o‘tmoqda.
Unda Oliy Majlis Senati Raisi, Xotin-qizlarning jamiyatdagi rolini oshirish, gender tenglik va oila masalalari bo‘yicha respublika komissiyasi raisi Tanzila Norboyeva boshchiligidagi O‘zbekiston delegasiyasi ishtirok etmoqda.
Mazkur komissiya BMT Iqtisodiy va ijtimoiy kengashining ishchi organi bo‘lib, xotin-qizlarning huquqlarini himoya qilish va ilgari surish bo‘yicha xalqaro standartlarni hamda ularning bajarilishi yuzasidan takliflarni ishlab chiqish bilan shug‘ullanadi.
Ikki hafta davom etadigan tadbirda BMT va fuqarolik jamiyati vakillari Pekin deklarasiyasining amalga oshirilishini muhokama qiladi.
Sessiya qashshoqlikni bartaraf etish, institutlar salohiyati va moliyalashtirishni kuchaytirish orqali gender tenglikka erishish va barcha xotin-qizlar imkoniyatlarini kengaytirishga bag‘ishlanadi.
Tashrif doirasida, shuningdek, BMT tuzilmalari rahbarlari, qator davlatlarning prezidentlari, hukumat rahbarlari va vazirlari bilan ikki tomonlama uchrashuvlar o‘tkazilishi rejalashtirilgan.
Manba: www.aniq.uz
