Rossiya qo‘shinlarining Ukraina sharqidagi hujumlari to‘xtatildi, ular oldinga siljiy olmayapti — Zelenskiy

Volodimir Zelenskiyga ko‘ra, Rossiya qo‘shinlarining Ukraina sharqidagi hujumlari to‘xtatildi, ular ko‘plab samolyotlarini yo‘qotib, oldinga siljiy olmayapti.

Ukraina prezidenti 11 mart fransuz ommaviy axborot vositalari - Le Monde gazetasi va BFM TV telekompaniyasiga bergan intervyusida frontdagi hozirgi vaziyat so‘nggi uch oydagidan ancha yaxshi ekanini ta’kidladi.

"Artilleriya o‘q-dorilari, havo hujumidan mudofaa tizimlari, uzoq masofaga uchuvchi qurollarning yetishmasligi va rus dronlari tufayli qiyinchiliklarga duch keldik. Biz Rossiya aviasiyasiga qarshi yaxshi ishladik, sharqdagi vaziyatni tikladik va Rossiyaning hujumini to‘xtatdik", — deya ma’lum qildi.

Prezident shuningdek, Ukraina mamlakat hududida xorijiy qo‘shinlarga muhtoj emasligini, ammo NATOga a’zo mamlakatlardan instruktor va texnik xodimlarni qabul qilishini aytdi.




Manba: www.aniq.uz