Venesuela prezidenti Maduroga suiqasd uyushtirildi

Venesuelaning Monagas shtatida prezident Nikolas Maduroga suiqasd uyushtirishga uringan ikki kishi hibsga olindi.

“RIA Novosti” agentligi xabariga ko‘ra, gumonlanuvchilar o‘nlab askarlarni to‘plab, qurollarini tanlab olgan va tartibsizlik uyushtirishni rejalashtirgan.

Hibsga olinganlar Milliy gvardiyaning qochqin-serjanti Renso Flores va «Delo R» siyosiy tashkilotidan Uilfer Xose Pinyadir.

Venesuela bosh prokurori Saabning so‘zlariga ko‘ra, ular “Monagas uchun birga” siyosiy tashkiloti a’zolari ekani ma’lum bo‘lgan. Qo‘lga olinganlarning mobil telefonlari ko‘zdan kechirilganda, 50 nafar askarning qurol olish va isyon uyushtirish uchun yollangani aniqlangan.

Venesuela prokuraturasi hibsga olinganlarni jinoiy til biriktirish va qotillikka urinishda ayblamoqda.


Manba: www.aniq.uz