Marokash quruqlik yo‘li orqali falastinliklarga yordam yetkazgan birinchi davlat bo‘ldi

Marokash Isroil armiyasi tomonidan o‘rnatilgan quruqlik yo‘li orqali falastinliklarga yordam yetkazgan birinchi davlat bo‘ldi.

“Marokash qiroli Muhammad VI buyrug‘i bilan G‘azo sektori aholisiga Marokash tomonidan yuborilgan insonparvarlik yordami Beyanmin Netanyaxu idorasining to‘g‘ridan-to‘g‘ri roziligini oldi, bu Ramazon oyi munosabati bilan Isroildan Marokash Qirolligiga xayrixohlik belgisidir", - deya xabar qildi The Times of Israel Isroil rasmiysiga tayanib.

Manbaning qo‘shimcha qilishicha, Isroil hukumati keyinchalik Misr va Iordaniyaga ko‘prikdan foydalanishga ruxsat beradi. Uning so‘zlariga ko‘ra, Marokash va Isroil o‘rtasidagi diplomatik aloqalar G‘azo sektoriga yordam va gumanitar yuklarni yetkazish tashabbusini amalga oshirishda katta yordam berdi.






Manba: www.aniq.uz