Toqayev Erdog‘anni 70 yoshga to‘lishi bilan tabrikladi

Qasim-Jomart Toqayev Rejep Tayyip Erdog‘anni 70 yoshga to‘lishi bilan tabriklab, eng ezgu tilaklarini izhor etdi. Shu bilan birga, Turkiya Prezidentining uzoqni ko‘zlab olib borayotgan siyosati va mashaqqatli mehnati tufayli qardosh mamlakat yanada taraqqiy etib, xalqaro hamjamiyatdagi obro‘-e’tibori ortib borishiga ishonch bildirdi.

Muloqot chog‘ida ikki davlat rahbarlari Qozog‘iston va Turkiya o‘rtasidagi har tomonlama strategik hamkorlikni rivojlantirish yuzasidan fikr almashib, savdo-iqtisodiy va sarmoyaviy sohalarda sheriklik aloqalarini kengaytirishga alohida e’tibor qaratdilar.

Shu bilan birga, tomonlar Qozog‘istonning Turkiy davlatlar tashkilotiga raisligi davridagi kun tartibini amalga oshirish masalalarini muhokama qildilar.






Manba: www.aniq.uz