“Slovo pasana” seriali Putinning qayta saylanishiga tayyorgarlikning bir qismi bo‘lgan

“Slovo pasana” (“Yigitning so‘zi”), “Xolop” (“Qarol”), “Lyod” (“Muz”) kabi mashhur filmlar va seriallardan Rossiya prezidenti ma’muriyati Vladimir Putinning saylovoldi kampaniyasida foydalanishga qaror qilgan. Bu haqda “Vajniye istorii” va Meduza nashrlarining qo‘shma surishtiruvida aytiladi.

Surishtiruv mualliflari ta’kidlashicha, o‘tgan yil bahorida Kremlda amaldorlarga “Saylovlarga atalgan ijodiy kontent” namoyish etilgan. Unda Putin tashviqotiga yordam beradigan va “ odamlar hayotidagi ijobiy o‘zgarishlar haqida” bayon qiladigan o‘nlab loyihalar bo‘lgan.

Ushbu taqdimotga Kreml jamoat loyihalari rahbari Sergey Novikov (kino va seriallar ishlab chiqarishga rahbarlik qiladi) va Internetni rivojlantirish instituti rahbari Aleksey Goreslavskiy (grantlarni taqsimlaydi) mualliflik qilgan.

Loyihalar mualliflari hatto ularning ijodi propaganda uchun ishlatilishini bilmagan ham, deyiladi surishtiruvda.




Manba: www.aniq.uz