Qirg‘iziston bosh vaziri kelinlar ijtimoiy tarmoqlarda chiqishi nomaqbul ekanini bildirdi

26 fevral kuni Madaniyat vazirligi kollegiyasida so‘zga chiqqan Bosh vazir Oqilbek Japarov qirg‘iz urf-odatlari va an’analariga zid bo‘lgan barcha ma’lumotlarni cheklashni taklif qildi.

“Ular birovning uyida xizmat qilib, namunali xotin bo‘lish o‘rniga, qaynona va qaynotasiga hurmat ko‘rsatmay, otalarining mavqei bilan maqtanib, ajrashishadi. Keyin ular ijtimoiy tarmoqlarda gapirishadi, bu maqbul narsa emas. Ular namunaga aylanmasligi kerak. Axir, qaynotangiz ham “kalta shorti kiyma”, deb aytadi-ku. Bizni shunday o‘rgatishgan. Kelin boshidagi ro‘molni yechmasligi kerak”, – deydi u.








Manba: www.aniq.uz