Madrimov chempionlik jangiga meksikalik murabbiy qo‘l ostida tayyorgarlik ko‘rmoqda

8 mart kuni Saudiya Arabistonining Ar-Riyod shahrida katta prof boks oqshomi o‘tkaziladi.

Bo‘lajak turnir doirasida Isroil Madrimov WBA Regular kamari uchun rossiyalik Magomed Kurbanovga qarshi ringga chiqadi. Ayni paytda hamyurtimiz ushbu chempionlik jangi uchun Toshkentda mashg‘ulotlarni davom ettirmoqda.

Ta’kidlash joiz, ko‘plab o‘zbek bokschilarining murabbiyi, meksikalik mutaxassis Joel Dias ham AQShdan O‘zbekistonga yetib keldi va bokschimizga mashg‘ulotlarda yordam bermoqda.

Ma’lumot uchun, 8 mart kungi boks oqshomining markaziy jangi boks va UFC bo‘yicha sobiq chempionlar - Entoni Joshua hamda Frensis Ngannu o‘rtasida kechadi.




Manba: www.aniq.uz