Turkiyada XX qishki Surdlimpiada o‘yinlari boshlandi

Turkiyaning Erzurum shahrida XX qishki Surdlimpiada o‘yinlari boshlandi. Musobaqalarda 36 davlatdan 1000 nafarga yaqin sportchi ishtirok etadi.

Musobaqada tog‘ chang‘isi, snoubord, chang‘i poygasi, shaxmat, futzal va kyorling kabi sport turlari bo‘yicha 34 ta medallar jamlanmasi o‘ynaladi.

Ushbu qishki o‘yinlarda Qozog‘istondan shaxmat, snoubord va chang‘i poygasi bo‘yicha 26 nafar sportchi ishtirok etadi.



“Bu yil Qozog‘iston Respublikasi Qishki Surdlimpiada o‘yinlarida uchinchi bor ishtirok etmoqda. Musobaqa oldidan sportchilarimiz Shchuchinsk va Almati viloyatida o‘quv-mashg‘ulot yig‘inlaridan o‘tib, qishki o‘yinlarga puxta tayyorgarlik bilan borishdi. Terma jamoa uchun dastlabki musobaqa ertaga blis shaxmat va chang‘i poygasi bo‘yicha boshlanadi. O‘ylaymanki, sportchilarimiz ushbu musobaqada yaxshi natija ko‘rsatib, yurtimiz savatchasiga Surdlimpiada medalini qo‘shib qo‘yishadi”, – deydi Jismoniy imkoniyati cheklangan shaxslar uchun sport mashg‘ulotlari markazi direktori o‘rinbosari Umirzaqov Adilxan Bolatxanuli.

Surdlimpiada o‘yinlarining ochilish marosimida mamlakat bayrog‘ini shaxmat bo‘yicha jahon chempionati bronza medali sovrindori Sultan Qojaxmetov ko‘tarib chiqdi.
Manba: www.aniq.uz