Gandbolchilarimiz jahon chempionatiga boradi

Poytaxtimizda gandbol bo‘yicha “IHF Trophy” turnirining qit’alararo bosqichi yakuniga yetdi. Unda ishtirok etgan O‘zbekiston “U20” jamoasi bosh sovrinni qo‘lga kiritdi.

Terma jamoamiz finalda Buyuk Britaniya termasiga qarshi so‘nggi hal qiluvchi final bahsida o‘zaro raqobatlashdi. Mazkur bahsda gandbolchilarimiz 33:23 hisobida g‘alaba qozonib, oltin medal bilan birga ushbu yosh toifasidagi jahon chempionati yo‘llanmasini qo‘lga kiritdi.

Shuningdek, 18 yoshgacha bo‘lgan O‘zbekiston terma jamoasi bronza medali uchun kechgan bellashuvda Yangi Kaledoniya ustidan 24:18 hisobida zafar quchdi va shohsupaning uchinchi o‘rnidan joy oldi.






Manba: www.aniq.uz