Sport yangiliklari, Спорт янгиликлари, Новости спорта, Sports news
"Real" "Valensiya" bilan o‘yindagi hakamlik mojarosini "Barselona"ning qilmishini oqibati deb hisoblamoqda.
La Liganing 27-tur uchrashuvining 99-daqiqasida bosh hakam Xesus Xil Mansano madridliklarning uchinchi goli kiritilishidan bir necha soniya oldin yakuniy hushtagi chaldi va o‘yin 2:2 hisobida yakunlandi.
"Real Madrid" so‘nggi oylarda Negreyra bo‘yicha olib borilayotgan tergovni hisobga olib, hakamlik mojarolariga ancha sezgir. So‘nggi turlardagi voqealar madridliklarning hakamlarga nisbatan g‘azabini oshirdi, deb yozadi AS nashri.
"Valensiya" bilan o‘yinning 99-daqiqasidagi epizoddan so‘ng, g‘azab eng yuqori cho‘qqiga chiqdi. Klub nafaqat bu qarordan, balki Jud Bellingemning "La’nati, bu gol-ku!" degan iborasi uchun chetlatilganidan ham g‘azabda. "Real Madrid" yarim himoyachi hakamni haqorat qilmaganini ta’kidlab, o‘yindan keyingi xabarda Mansano Jud unga nisbatan tajovuzkorlik ko‘rsatganini yozganidan hayratda. Ushbu so‘z qizil kartochkaga shikoyat qilish jarayonini jiddiy ravishda murakkablashtirishi mumkin.
"Real Madrid" rahbariyati nima bo‘lganiga tushunmayapti va hakamlarning so‘nggi turlardagi bahsli qarorlari "Barselona"ga foyda keltirgan va Madridga zarar keltirganidan shubhalanmoqda.
"Valensiya" bilan o‘yindan so‘ng "Real" "Barselona"ni chempionlik uchun kurashga "qaytarmoqchi" ekanini muhokama qildi. Joan Laporta va Xavining hakamlarga qilgan hujumlari burilish nuqtasi sifatida baholanmoqda: bir oy oldin ular La Liganing adolatliligiga shubha bildirishgan. "Real Madrid"ning fikricha, "Barselona"ning bayonotlaridan so‘ng Madridga ikki tomonlama standartlar qo‘llanila boshlandi. Bu, "Real"ning fikriga ko‘ra, jamoaga 6 ochko olib kelishi mumkin edi.
Manba: www.aniq.uz
