Vinisius 12 o‘yinga diskvalifikasiya qilinishi mumkin

Madridning "Real" klubi hujumchisi Vinisius Junior "Valensiya"ga qarshi bahsda hakamni tanqid qilgani uchun jiddiy jazolanishi mumkin.

Mundo Deportivo nashrining xabariga ko‘ra, braziliyalik futbolchi hakamlar nomiga aytgan so‘zlari uchun diskvalifikasiya qilinishi mumkin. Manbaning qayd etishicha, agar uning so‘zlari yuzasidan Ispaniya futbol federasiyasiga shikoyat yuborilsa, Junior jazolanishi mumkin.

Tartib-intizom kodeksiga ko‘ra, Vinisius 4 tadan 12 ta o‘yinga diskvalifikasiya qilinishi, shuningdek, jarimaga tortilishi mumkin.

"Mestalya"dagi uchrashuv 2:2 hisobida yakunlandi. Oxirgi hujumda Jud Bellingem g‘alaba qozonishi mumkin bo‘lgan golni urdi, biroq bosh hakam bir necha soniya oldin final hushtagini chaldi.




Manba: www.aniq.uz