Odiljon Aslonov Sochida gruziyalik raqibini mag‘lub etdi

Kecha Rossiyaning Sochi shahrida boks bo‘yicha "IBA Chempionlar oqshomi" musobaqasi o‘tkazildi.

Ushbu boks kechasida yarimog‘ir vazn toifasidagi o‘zbekistonlik charm qo‘lqop ustasi Odiljon Aslonov ham ringga ko‘tarildi. Hamyurtimizga ushbu jangda gruziyalik Pele Sadoyani raqiblik qildi. Olti raundga mo‘ljallangan jang to‘liq davom etdi va unda hakamlarning yakdil qarori bilan Aslonov g‘alaba qozondi.

Ma’lumot uchun, bu Aslonov uchun "IBA Chempionlar oqshomi"dagi ikkinchi jang bo‘ldi. U o‘zining ilk jangini 2023 yilning avgust oyida ugandalik Shadir Musa Bvogiga qarshi o‘tkazib, zafar quchgan edi.






Manba: www.aniq.uz