Kalyari bosh murabbiyi: Shomurodov yakka tartibda shug‘ullanmoqda

"Kalyari" klubi bosh murabbiyi Klaudio Ranyeri "Napoli"ga qarshi o‘yin oldidan matbuot anjumanida qatnashdi. Undan jamoa hujumchisi Eldor Shomurodovning hozirgi holati haqida so‘rashdi.

"Shomurodov qayta tiklanish jarayonini amalga oshirmoqda. Hozircha u umumiy guruhda emas, yakka tartibda mashg‘ulot o‘tkazmoqda", - dedi Klaudio Ranyeri.

Ma’lumot uchun, Shomurodov ikki oy oldin jarohat olgandi. Hujumchi Qatardagi Osiyo kubogini ham jarohati sabab o‘tkazib yubordi.






Manba: www.aniq.uz