Benzema: «Al-Ittihod»da juda baxtliman»

Karim Benzema «Al-Ittihod» bosh murabbiyi bilan munosabati yomonligi va Yevropaga qaytmoqchi ekani haqidagi gap-so‘zlarni rad etdi.

«Men safga qaytdim va hozirda o‘zimni yaxshi his qilyapman. «Al-Ittihod»dan ketib qolishim haqidagi gap-so‘zlar hech qanday asosga ega emas, Saudiya Arabistonida baxtiyorman.

Jamoa bosh murabbiyi Galyardo bilan oramizda muammo yo‘q, bu haqda gapirayotganlar va meni Yevropaga qaytadi deyayotganlarning bari – yolg‘onchi.

«Al-Ittihod»da juda baxtliman. Menda hech kim bilan muammo yo‘q», - deydi fransiyalik forvard.

Avvalroq, Benzemaning Galyardo bilan munosabati sovuqlashgani va Yevropaga qaytishi mumkinligi haqida xabarlar tarqalgandi.


Manba: www.aniq.uz