Sabina Boboqulova Parij-2024 Olimpiadasi yo‘llanmasini qo‘lga kiritdi!

Italiyaning Busto-Arsizio shahrida boks bo‘yicha Parij-2024 yozgi Olimpiya o‘yinlari uchun lisenzion turnirning hal qiluvchi janglari davom etmoqda.

Musobaqa doirasida O‘zbekiston terma jamoasi a’zosi Sabina Boboqulova (-50 kg) chorak final jangini o‘tkazdi.

Yaponiyalik Rinko Kinoshitaga qarshi kechgan bahsda hamyurtimiz hakamlar qarori bilan 4:1 hisobida g‘alaba qozondi va Parij-2024 yozgi Olimpiya o‘yinlari uchun chiptani yutib oldi.

Oldinda Asadxo‘ja Mo‘ydinxo‘jayev va To‘rabek Habibullayev ishtirokidagi janglar kutmoqda.




Manba: www.aniq.uz