Sport yangiliklari, Спорт янгиликлари, Новости спорта, Sports news
Bu haqda Osiyo futbol konfederasiyasi ayrim raqamlarni e’lon qildi.
Unga ko‘ra, Qatar yashil maydonlarida kechgan qit’a chempionatini turli kommunikasiya tarmoqlari orqali 7,9 milliard kishi tomosha qilgani qayd etilgan. Bu 2019 yili Birlashgan Arab Amirliklarida bo‘lib o‘tgan Osiyo kubogida o‘rnatilgan 890 millionli ko‘rish rekordidan qariyb to‘qqiz baravar ko‘p deganidir.
Ayni holat qit’a futbol ishqibozlarining tomosha ishtiyoqi ne chog‘li ortganidan dalolatdir.
Yana bir e’tiborli holat. O‘yinlar jarayonidagi eksklyuziv intervyular, sahna ortidagi kadrlar va diqqatga sazovor joylarni o‘z ichiga olgan qiziqarli video kontent "Qatar-2023" nomi ostidagi chempionat 1,1 milliard video ko‘rish qamroviga ega bo‘lganini, bu, 2019 yilgi ko‘rsatkichdan 1,211 foizga o‘sganini anglatmoqda.
OFK bosh kotibi Datuk Seri Vindsor Jon osiyolik futbol ishqibozlarida futbolga qiziqish yildan-yilga ortib borayotganini bildirib, “Muxlislarimiz o‘yinning yurak urishini belgilashi bilan futbolni qit’aning birinchi raqamli sporti ekanini tasdiqlashdi. Biz futbol muxlislariga xizmat ko‘rsatish va ular bilan muloqot qilish uslubimizni doimiy ravishda takomillashtirishga intilamiz”, deya ta’kidladi. Osiyo futbolining yangi rekordi o‘rnatilgani bilan barchani qutladi.
Manba: www.aniq.uz
