Xavi Chempionlar ligasini yutsa ham ketadi

"Barselona" bosh murabbiyi Xavi, agar Kataloniya jamoasi Chempionlar ligasida g‘olib chiqsa, jamoada qola oladimi degan savolga javob berdi.

"Agar Chempionlar ligasida g‘olib chiqsak, qolamanmi, deb so‘rayapsiz... Yo‘q, qolmayman. Mening kelajagim o‘zgarmaydi. Mening javobim o‘zgarmaydi. Men mavsum oxirida ketaman. Ha, kelasi mavsumda Chempionlar ligasidan rohat olaman, lekin muxlis sifatida", - deydi Xavi.

“Barselona” va “Napoli” klublari o‘zaro to‘qnash kelgan Chempionlar ligasi 1/8 finalining javob uchrashuvida "ko‘k-anorranglilar" 3:1 hisobida zafar quchdi.






Manba: www.aniq.uz