Sport yangiliklari, Спорт янгиликлари, Новости спорта, Sports news
"Inter Mayami" KONKAKAF chempionlar kubogi doirasida "Neshvill"ni 3:1 hisobida mag‘lub etdi.
Jamoalar 1/8 finalning javob uchrashuvini o‘tkazishdi (birinchi o‘yin 2:2). Shu tariqa Florida klubi chorak finalga chiqdi.
"Inter Mayami" hujumchisi Luis Suares 8-daqiqada Lionel Messining uzatmasidan so‘ng hisobni ochgan bo‘lsa, 23-daqiqada argentinalik futbolchining o‘zi ikkinchi golni urdi.
2-bo‘lim boshida Messi o‘rniga Robert Teylor maydonga tushdi va 63-daqiqada Suaresning uzatmasi bilan hisobni 3:0 ko‘rinishiga keltirdi. 86-daqiqada urugvaylik futbolchi zaxiraga olindi. Jordi Alba va Serxi Buskets butun o‘yinni mezbonlar safida o‘tkazishdi.
"Inter Mayami" so‘nggi Liga kubogidagi g‘alaba evaziga to‘g‘ridan-to‘g‘ri 1/8 final bosqichiga yo‘llanma oldi.
Joriy KONKAKAF chempionlar kubogi g‘olibi 2024 yilgi Qit’alararo kubok va 2025 yilgi klublar o‘rtasidagi jahon chempionatiga yo‘llanma oladi.
Manba: www.aniq.uz
