Sport yangiliklari, Спорт янгиликлари, Новости спорта, Sports news
Hindiston poytaxti Nyu-Dehlida velosportning trek yo‘nalishi bo‘yicha kattalar va yoshlar o‘rtasida Osiyo chempionati o‘tkazilmoqda.
Bugun chempionatning uchinchi kungi bellashuvlari bo‘lib o‘tdi.
Unda hamyurtimiz Margarita Misyurina guruh poygasida marraga ikkinchi bo‘lib yetib keldi va kumush medalni qo‘lga kiritdi. Shuningdek, yosh sportchimiz Alimardon Jamoliddinov guruh poygasida bronza medalini o‘ziniki qildi.
Eslatib o‘tamiz, Jamoliddinov kecha yoshlar o‘rtasida o‘tkazilgan omnium poygasida kumush medalni qo‘lga kiritgan edi.
Ma’lumot uchun, O‘zbekiston terma jamoasi chempionatda hozirga qadar 3 ta kumush va 2 ta bronza, jami 5 medal jamg‘ardi.
Manba: www.aniq.uz
