Jokovich yana bir bor Laureus sovrinini qo‘lga kiritishi mumkin

Dunyoning birinchi raketkasi Novak Jokovich Laureus tomonidan 2023 yilning eng yaxshi sportchisi bo‘lish uchun da’vogarlar safiga kiritildi.

Serbiyalik tennischi o‘tgan mavsum Australian Open, "Rolan Garros", US Open va Yakuniy ATP turnirlarida bosh sovrinni qo‘lga kiritgan edi. Uimbldon turnirining finalida o‘ynagan va yilni ATP reytingi peshqadami sifatida yakungandi.

Unga yilning eng yaxshi sportchisi bo‘lishda futbolchilardan Lionel Messi va Erling Xoland, yengil atletikachilar Arman Dyuplantis va Noa Laylz hamda avtopoygachi Maks Ferstappen raqiblik qiladi.

Ta’kidlash joiz, Laureus sovrinining amaldagi sohibi Lionel Messi hisoblanadi. 2022 yilda ushbu sovrin Ferstappenga nasib etgandi. Jokovich esa 2012, 2015, 2016 va 2019 yillarda Laureus sovrinini qo‘lga kiritgan.




Manba: www.aniq.uz