O‘zbekiston korporativ sport assotsiatsiyasi tashkil etildi

Batafsil o'qish:

Tashkilot tadbirkorlik sub’yektlarini sportga jalb qilish va ular o‘rtasida musobaqalar o‘tkazilishini tizimli tarzda yo‘lga qo‘yadi.

Foto: O‘zA

Davlat va xususiy sektor vakillari, sport tashkilotlari rahbarlari hamda 170 ming nafarga yaqin xodimlarni band qilgan 200 dan ortiq tadbirkorlar ishtirokida o‘tkazilgan yig‘ilishda O‘zbekiston korporativ sport assotsiatsiyasi tashkil etildi.

Savdo-sanoat palatasi raisi Davron Vahobov O‘zbekiston korporativ sport assotsiatsiyasi raisi etib saylandi.

Shuningdek, «Akfa Group» asoschisi Jahongir Ortiqxo‘jayev raisning birinchi o‘rinbosari, «International Beverages Tashkent» direktorlar kengashi raisi Shuhrat Ergashev rais o‘rinbosari etib saylandi.

Shu bilan birga, Bekzod Mamatqulov (BMB Holding) futbol va futzal, Zafar Hoshimov (Korzinka) basketbol, Bahodir Abdullayev (B.A. Holding) stol tennisi, Murod Nazarov (Murad Buildings) yengil atletika bo‘yicha mas’ullar sifatida Assotsiatsiya boshqaruv kengashiga a’zo bo‘ldi.