O‘zbekistonning BAA va Qatarga qarshi o‘yinlar uchun tarkibi e’lon qilindi

O‘zbekiston milliy jamoasi iyun oyi boshida JCh-2026 saralashi 3-bosqichining hal qiluvchi bahslarini o‘tkazadi. 

Bosh murabbiy Timur Kapadze BAA (5 iyun) va Qatarga (10 iyun) qarshi o‘yinlarga quyidagi futbolchilarni jalb qildi. Tajribali himoyachi Islom To‘xtaxo‘jayev bir necha yillik tanaffusdan so‘ng chaqiruv oldi. Igor Sergeyev va Aziz Turg‘unboyev ham tarkibga qaytdi.

Yig‘in 28 maydan boshlanadi va 29 maydan BAAda davom ettiriladi. 

Eslatib o‘tamiz, O‘zbekiston BAAga safarda yutqazmasa, muddatidan avval mundial yo‘llanmasini qo‘lga kiritadi.