Respublikada 2025 yilning 1 may holatiga 377 833 ta kichik tadbirkorlik sub’yektlari (fermer va dehqon xo‘jaliklarisiz) faoliyat ko‘rsatmoqda.
Milliy statistika qo‘mitasi ma’lumotlariga ko‘ra, ularning soni yil boshidan buyon 19 717 taga oshgan.
Shuningdek, ular hududlar kesimida tahlil qilinganda eng yuqorisi Toshkent shahriga to‘g‘ri kelib, jamiga nisbatan 23,5 foizni tashkil etdi.
Faoliyat ko‘rsatayotgan kichik tadbirkorlik sub’yektlari soni hududlar kesimida:
- Toshkent shahri – 88 883 ta;
- Toshkent viloyati – 36 619 ta;
- Samarqand viloyati – 32 901 ta;
- Farg‘ona viloyati – 29 523 ta;
- Qashqadaryo viloyati – 23 554 ta;
- Buxoro viloyati – 23 545 ta;
- Xorazm viloyati – 21 477 ta;
- Andijon viloyati – 20 933 ta;
- Namangan viloyati – 20 866 ta;
- Surxondaryo viloyati – 20 182 ta;
- Qoraqalpog‘iston Resp. – 18 194 ta;
- Navoiy viloyati – 17 071 ta;
- Jizzax viloyati – 14 682 ta;
- Sirdaryo viloyati – 9 403 ta.
