O'zbekiston yangiliklari, Ўзбекистон янгиликлари, Новости Узбекистана, Uzbekistan news
Ijtimoiy tarmoqlarda 2 nafar shaxs piyoda ketayotgan nogironligi bor tanishining qo‘lidagi sumkasini tortib olib, hodisa joyidan qochib ketgani aks etgan video tarqaldi. IIBB holat yuzasidan ma’lumot berdi.
Foto: Videodan kadr
Holat 12 iyun kuni soat 18:15 larda Shayxontohur tumanida joylashgan dehqon bozoridagi avtoturargohda sodir bo‘lgan. 1997 yilda tug‘ilgan B.S. va 2000 yilda tug‘ilgan X.A. piyoda ketayotgan 2003 yilda tug‘ilgan K.X.ga nisbatan talonchilik sodir etgan.
Uning qo‘lidagi qora rangli paket va ichidagi pullarni ochiqdan ochiq talon-toroj qilib, voqea joyidan qochib ketgan.
Mazkur holat yuzasidan Shayxontohur tumani IIO FMB huzuridagi Tergov bo‘limi tomonidan Jinoyat kodeksining 166-moddasi 3-qismi “v” bandi bilan (talonchilik) bilan jinoyat ishi qo‘zg‘atilgan. Tergov davom etmoqda.
