Metan «zapravka»dagi janjal Toshkentda yuz bergan. Kaltaklangan shaxs vafot etdimi?

Ijtimoiy tarmoqlarda “Metan gaz quyish shoxobchasida navbat talashib katta janjal bo‘lgani aytilmoqda” izohi bilan video xabarlar tarqalmoqda.

Aniqlanishicha, mazkur holat kecha 26 fevral kuni Yuqori Chirchiq tumani hududida joylashgan metan gaz quyish shoxobchasida sodir bo‘lgan.

Ijtimoiy tarmoqlarda keltirilgani kabi voqeada fuqaro vafot etmagan.

Holat Toshkent viloyati IIBB tomonidan nazoratga olinib, hududiy IIB tomonidan O‘zbekiston Respublikasining Jinoyat kodeksi 277-moddasi bilan jinoyat ishi qo‘zg‘atilgan va hozirda tergov-surushtiruv harakatlari olib borilmoqda.

Natijasi bo‘yicha qonuniy chora ko‘rilishi ta’minlanadi va jamoatchilikka axborot beriladi.


Manba: www.aniq.uz