Stomatologiya poliklinikalari xususiylashtiriladi

Sog‘liqni saqlash vazirligi (SSV) tasarrufidagi stomatologiya poliklinikalari to‘liq xususiylashtiriladi. Bu «2025 yil uchun xususiylashtirish dasturi to‘g‘risida»gi prezident farmonida belgilandi.

Farmon bilan tasdiqlangan, ommaviy savdoga chiqariladigan davlat korxonalari orasiga Sog‘liqni saqlash vazirligi tasarrufidagi quyidagi stomatologiya poliklinikalari ham kiritilgan:

• Andijon viloyat bolalar stomatologiya poliklinikasi
• Buxoro viloyati ixtisoslashtirilgan bolalar stomatologiya markazi
• Buxoro viloyat stomatologiya poliklinikasi
• Jizzax viloyat stomatologiya tabobatxonasi
• Jizzax viloyat ixtisoslashtirilgan bolalar stomatologiya poliklinikasi
• Qashqadaryo viloyat bolalar stomatologiya poliklinikasi
• Namangan viloyat ixtisoslashgan bolalar stomatologiya poliklinikasi
• Samarqand viloyat stomatologiya poliklinikasi
• Samarqand shahar stomatologiya poliklinikasi
• Samarqand viloyat ixtisoslashtirilgan bolalar stomatologiya poliklinikasi
• Paxtachi tuman stomatologiya poliklinikasi
• Angren shahar bolalar stomatologiya poliklinikasi
• Yangiyo‘l tuman stomatologiya poliklinikasi
• Olmaliq shahar bolalar stomatologiya poliklinikasi
• Farg‘ona viloyat bolalar stomatologiya poliklinikasi
• Farg‘ona viloyat stomatologiya shifoxonasi
• Qo‘qon shahar bolalar stomatologiya poliklinikasi
• Marg‘ilon shahar bolalar stomatologiya poliklinikasi
• Xorazm viloyat bolalar stomatologiya poliklinikasi
• Toshkent shahri 1-son, 2-son, 4-son, 5-son, 6-son, 7-son bolalar stomatologiya poliklinikalari
• Uchtepa bolalar stomatologiya poliklinikasi
• Ichki ishlar vazirligi stomatologiya poliklinikasi
• "Xalq tabobati plyus" MChJ

Ushbu poliklinikalar to‘lig‘icha xususiy sektorga o‘tkaziladi.

Ularni xususiylashtirish shartlarini Sog‘liqni saqlash vazirligining taklifiga asosan davlat komissiyasi belgilaydi.

Ma’lumot uchun, prezident farmoni bilan tasdiqlangan 2025 yilgi davlat dasturida, stomatologiya xizmatini autsorsing asosida xususiy sektorga berish ko‘zda tutilgan.