O'zbekiston yangiliklari, Ўзбекистон янгиликлари, Новости Узбекистана, Uzbekistan news
Tanlovlar har 2 yilda bir marta o‘tkaziladi. G‘oliblar 525 mln so‘m pul mukofoti bilan taqdirlanadi.
«Umumiy o‘rta ta’lim sohasi xodimlari o‘rtasida «Yil o‘qituvchisi» hamda «Kasbiy mahorat yetakchisi» tanlovlarini tashkil etish va o‘tkazish chora-tadbirlari to‘g‘risida»gi hukumat qarori qabul qilindi.
Qarorga ko‘ra, 2026 yildan har 2 yilda bir marta quyidagi tanlovlar o‘tkaziladi:
- Maktabgacha va maktab ta’limi vazirligi tizimidagi umumiy o‘rta ta’lim tashkilotlari pedagog xodimlari o‘rtasida «Yil o‘qituvchisi» tanlovi;
- pedagogik mahorat markazlari direktorlari o‘rtasida «Kasbiy mahorat yetakchisi» tanlovi.
Qaror bilan quyidagi nizomlar tasdiqlandi:
- «Yil o‘qituvchisi» tanlovini o‘tkazish tartibi to‘g‘risidagi;
- «Kasbiy mahorat yetakchisi» tanlovini o‘tkazish tartibi to‘g‘risidagi.
Tanlovlar yakunlariga ko‘ra g‘olib deb topilgan har bir nomzod QR-kodli sertifikat bilan taqdirlanadi.
Sertifikat asosida g‘oliblar BHM 1400 baravari (525 mln) ga teng pul mukofoti bilan taqdirlanadi.
