O'zbekiston yangiliklari, Ўзбекистон янгиликлари, Новости Узбекистана, Uzbekistan news
Haydovchi bolalarni bog‘chadan olib ketayotgan bo‘lgan. U kuzatilgan shunday holatlar bo‘yicha “rekord” o‘rnatdi.
Foto: Videodan kadr
Surxondaryo viloyatining Denov tumanida Damas mashinasida 32 nafar bola olib ketilayotgani aniqlandi. Bu haqda viloyat YHXB xabar berdi.
Ma’lum qilinishicha, haydovchi bolalarni xususiy bog‘chadan olib ketayotgan bo‘lgan. Xodimlar tomonidan holat bartaraf etilib, mashina kuzatuv ostida bog‘chaga qaytarilgan. Haydovchiga nisbatan chora ko‘rilgan.
Shuningdek, holat yuzasidan viloyat Maktab va maktabgacha ta’lim boshqarmasiga taqdimnoma kiritilgan.
Oldinroq Namanganda 25 nafar, Samarqandda 17 nafar, Qoraqalpog‘istonda esa 27 nafar bola Damas'da olib ketilayotgani aniqlangandi.
