O‘zbekiston Fransiyadan 14 ta yangi Airbus samolyotini xarid qiladi

Ma’lum qilinishicha, O‘zbekiston prezidenti raisligida bo‘lib o‘tgan yig‘ilishda mamlakatda sayyohlar oqimini ko‘paytirish maqsadida havo flotini kengaytirish bo‘yicha keng ko‘lamli rejalar ko‘rib chiqildi. Unda Fransiyaga tashrifda 14 ta yangi zamonaviy Airbus samolyotini xarid qilish, yana 5 tasini ijaraga olishga kelishilgani, Boeing kompaniyasi bilan 12 ta samolyot olib kelish bo‘yicha muzokara boshlangani ta’kidlandi.

"Mutasaddi vazirlik va idoralarga bu imkoniyatdan unumli foydalanib, qayerga nechta reys qo‘yish va qancha sayyoh olib kelishni hozirdan hisob-kitob qilish topshirildi, deb yozilgan nashrda.

Nashr shu yil yanvar oyida Uzbekistan Airways milliy aviakompaniyasi rahbari Shuhrat Xudoyqulov 2 milliard dollarga 14 ta uzoq masofaga uchadigan Boeing 787-8 Dreamliner samolyotini sotib olish rejasini ma’lum qilgani haqida yozgan.

"2022 yil noyabr oyida O‘zbekiston umumiy qiymati qariyb 800 million yevroga 17 ta Airbus va ATR samolyotlarini sotib olish bo‘yicha shartnomalar imzolagan", – deya ta’kidlangan maqolada.