O'zbekiston yangiliklari, Ўзбекистон янгиликлари, Новости Узбекистана, Uzbekistan news
Hozirda bola go‘daklar uchun mo‘ljallangan bolalar uyiga joylashtirilgan. Holat yuzasidan tergovga qadar tekshiruv harakatlari olib borilmoqda.
Bolalar ombudsmani ijtimoiy tarmoqlarda 1 yoshga to‘lmagan bolani onasi ko‘chaga tashlab ketgani to‘g‘risida tarqalgan video yuzasidan ma’lumot berdi.
Qayd etilishicha, holat alohida nazoratga olinib, ichki ishlar va prokuratura organlari tomonidan o‘rganilmoqda.
Dastlabki ma’lumotga ko‘ra ayol 7 oylik farzandini Samarqand viloyatning Past Darg‘om tumanidagi mahalla ko‘chasida tashlab ketib, o‘zi yashiringan.
Holat yuzasidan hozirda tuman IIB tomonidan tergovga qadar tekshiruv harakatlari olib borilmoqda.
Bola tumandagi go‘daklar uchun mo‘ljallangan bolalar uyiga joylashtirilib, unga zarur bo‘lgan parvarish ko‘rsatilmoqda.
«Sirdaryo viloyatida yashovchi ayolning shaxsi aniqlanib, uning o‘z farzandiga nisbatan sodir etgan g‘ayriqonuniy harakatlariga huquqiy baho berish jarayoni bormoqda. Bu haqda qo‘shimcha tarzda ma’lumot beriladi», — deyiladi xabarda.
Avvalroq Qashqadaryo viloyati Qamashi tumanida uch kunlik chaqalog‘ini 60 mln so‘mga sotgan ayolga sud hukmi o‘qilgani to‘g‘risida xabar berilgandi.
