O'zbekiston yangiliklari, Ўзбекистон янгиликлари, Новости Узбекистана, Uzbekistan news
Madaniyat vazirligida bo‘lim boshlig‘i lavozimida ishlab kelgan Omonulla Solihov Milliy rassomlik va dizayn instituti rektori lavozimiga tayinlandi.
Omonulla Solihov Kamoliddin Behzod nomidagi Milliy rassomlik va dizayn instituti rektori lavozimiga tayinlandi. Bu haqda madaniyat vaziri Ozodbek Nazarbekov ishtirokida o‘tkazilgan yig‘ilishda ma’lum qilindi.
Milliy rassomlik va dizayn instituti rektori lavozimida 2022 yildan beri Abbosjon Mirzorahimov faoliyat yuritib kelayotgan edi.
Shuningdek, madaniyat vaziri maslahatchisi Shavkat Ortiqov O‘zbekistonning Xalqaro turkiy madaniyat tashkilotidagi (TURKSOY) vakili lavozimiga tayinlangan.
Madaniyat vazirligining Teatr, sirk va kinematografiya san’atini muvofiqlashtirish bo‘limi boshlig‘i lavozimiga esa Shohruxmirzo Qodirov tayinlangan.
