O'zbekiston yangiliklari, Ўзбекистон янгиликлари, Новости Узбекистана, Uzbekistan news
O‘zbekiston TIV rahbari Islom dunyosi ta’lim, fan va madaniyat tashkiloti bosh direktori bilan uchrashdi.
Foto: gov.uz
2025 yilning 24 may kuni O‘zbekiston tashqi ishlar vaziri Baxtiyor Saidov Islom dunyosi ta’lim, fan va madaniyat tashkiloti (ICESCO) bosh direktori Salim bin Muhammad al-Malik bilan uchrashdi. Suhbat chog‘ida o‘zaro hamkorlikni kengaytirish masalalari muhokama qilindi.
ICESCO tomonidan ilgari surilayotgan istiqbolli tashabbuslar yuqori baholandi. 2025 yilda Samarqand shahrining Islom dunyosining madaniyat poytaxti sifatida nishonlanishi tashabbusi madaniy aloqalarga yangi nafas bag‘ishlagani ta’kidlandi.
Uchrashuv doirasida O‘zbekiston hukumati va ICESCO o‘rtasida hamkorlikni chuqurlashtirish va yaqin kelajakda samarali loyihalarni birgalikda amalga oshirishning ustuvor yo‘nalishlarini o‘z ichiga olgan harakatlar rejasi imzolandi.
