Yaponiya bozori uchun kadrlar tayyorlash bo‘yicha ta’lim dasturlari ishlab chiqiladi

Muzokaralar chog‘ida mehnat migratsiyasi va O‘zbekiston fuqarolari uchun viza tartibini soddalashtirish sohasidagi ikki tomonlama hamkorlikning asosiy masalalari muhokama qilindi. 

Yaponiya mehnat bozori uchun yuqori malakali kadrlar tayyorlash va jo‘nab ketish oldidan tayyorgarlik ko‘rish bo‘yicha qo‘shma ta’lim dasturlarini ishlab chiqishga alohida e’tibor qaratildi.

Uchrashuvda tomonlar O‘zbekiston fuqarolarining Yaponiyada bo‘lgan vaqtda immigratsiya qoidalarini buzilganlik holatlari va kelgusida ularning oldini olish choralarini ham ko‘tardi.

Tomonlar Yaponiyada mehnat qilayotgan O‘zbekiston fuqarolari uchun qulay sharoitlar yaratish maqsadida kelgusida hamkorlik qilishga tayyor ekanliklarini tasdiqladi.