Ichki ishlarda “Korrupsiyaga qarshi kurashish dolzarb 10 kunligi” o‘tkaziladi

Ichki ishlar organlarida xizmat intizomi, qonuniylik va kasbiy mas’uliyatni ta’minlash borasida qator chora-tadbirlar amalga oshirilmoqda. Bu yo‘nalishda birinchi rahbarlarning shaxsan nazoratida amalga oshirilayotgan ishlar alohida ahamiyat kasb etadi.

Korrupsiyaga qarshi murosasiz munosabatni shakllantirish, xodimlarning huquqiy ongi va kasbiy sadoqatini mustahkamlash maqsadida keng ko‘lamli targ‘ibot ishlari amalga oshirilmoqda. Fuqarolar tomonidan xodimlarga pora taklif qilish holatlari yuzasidan o‘z vaqtida xabar berish tizimi jadallashtirilgan.

Iyun oyining birinchi 10 kunligi barcha ichki ishlar organlarida “Korrupsiyaga qarshi kurashish dolzarb 10 kunligi” deb e’lon qilinadi.

Bu chora-tadbirlar ichki ishlar organlari faoliyatining samaradorligini oshirish, jamoatchilik ishonchini mustahkamlash va xodimlarning kasbiy madaniyatini yuksaltirishga qaratilgan.