O'zbekiston yangiliklari, Ўзбекистон янгиликлари, Новости Узбекистана, Uzbekistan news
Adliya vazirining «Nodavlat notijorat tashkilotlarining o‘tkazilishi rejalashtirilayotgan tadbirlari haqida xabardor qilish tartibi to‘g‘risidagi nizomga o‘zgartirish va qo‘shimchalar kiritish haqida»gi buyrug‘i qabul qilindi.
Foto: Getty images
Aniqlashtirilishicha, NNT faoliyati bilan bog‘liq NNT vakillarining xorijiy davlatlarga tashriflarini tashkil etish ham NNTning tadbiri hisoblanadi.
Bundan buyon bunday tashrifni tashkil etishda NNT kamida 7 kun oldin tegishli adliya organini xabardor qilishi kerak.
Xabarnomada quyidagi ma’lumotlarni o‘z ichiga olishi kerak:
• safar maqsadi;
• uchrashuv/tadbir o‘tkaziladigan manzil;
• tashrifni tashkil etish uchun asos bo‘lgan hujjat;
• tashrifni moliyalashtirish manbalari (turi ko‘rsatilgan holda) va boshqalar.
Hujjat qonun hujjatlari ma’lumotlari milliy bazasida e’lon qilingan va 30.08.25 yildan kuchga kiradi.
