O'zbekiston yangiliklari, Ўзбекистон янгиликлари, Новости Узбекистана, Uzbekistan news
«O‘zenergoinspeksiya» Farg‘ona viloyat hududiy boshqarmasi va huquqni muhofaza qiluvchi organlar va gaz ta’minoti korxonasi ishtirokida nazorat tadbiri o‘tkazildi.
Foto: O‘zenergoinspeksiya
Unda, Dang‘ara tumani «Navbahor» MFYda joylashgan «A.M.» MChJga qarashli alyuminni qayta ishlash sexida hisoblagichdan tashqari yashirincha baypas gaz quvuridan noqonuniy holatda tabiiy gazdan foydalanilgani aniqlandi.
Ushbu qoidabuzarlik natijasida, dastlabki hisob-kitoblarga ko‘ra, gaz ta’minoti korxonasiga 1 milliard 805 million so‘mlik zarar yetkazilgani ma’lum bo‘ldi.
Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.
