Toshkentning ayrim ko‘chalari velomarafon sabab vaqtincha yopiladi

Toshkent shahrida 8 iyun kuni «Yoshlar kubogi» velomarafoni o‘tkaziladi. Bu haqda poytaxt IIBB xabar berdi.

Qayd qilinishicha, shu munosabat bilan 8 iyun kuni soat 6:00 dan 9:00 ga qadar ayrim ko‘chalarda jamoat tartibini saqlash va harakat xavfsizligini ta’minlash maqsadida transport harakati cheklanadi.

Jumladan:

- Abay ko‘chasi va Abdulla Qodiriy ko‘chasi kesishmasidan Alisher Navoiy ko‘chasi kesishmasigacha;

- Botir Zokirov ko‘chasi va Alisher Navoiy ko‘chasi kesishmasidan «O‘zbekiston» metro bekatigacha;

- Afrosiyob ko‘chasi «O‘zbekiston» metro bekatidan Nukus ko‘chasi bilan kesishmasigacha;

- Nukus ko‘chasi va Afrosiyob ko‘chasi kesishmasidan Farg‘ona yo‘li ko‘chasi kesishmasigacha;

- Abdulla Qodiriy ko‘chasi va Farg‘ona yo‘li ko‘chasi kesishmasidan Abay ko‘chasi kesishmasigacha.

Haydovchilarga aylanma yo‘llardan foydalanish tavsiya etilgan.